jump to navigation

Fíkniefni burtu 31/10/2005

Posted by Jóhann Páll in Greinar.
comments closed

Fíkniefnadraugurinn er farinn að láta á sér kræla í kringum skólana okkar. Að þessu komst ég að þegar ég var á fundi í einu hverfi borgarinnar fyrir stuttu. Þann viðbjóð þarf að stoppa tafarlaust. Ég átta mig ekki á því hvort Forseti Íslands er með átakinu sem hann beitir sér fyrir, og nær til Reykjavíkur og lastabæla í gömlu Austur Evrópu að skipa okkur á bekk með þeim borgum, eða hvort útspilið er  auglýsinga brella það skiptir ekki  máli.

Það sem  skiptir máli er að borgaryfirvöld, sem bera ábyrgð á grunnskólanum borgarinnar og kennslu barna á grunnskóla aldri, stórefli vitneskjuna hjá börnum um hætturnar  við fíkniefnaneyslu og um það hvernig fíkniefnum er komið á framæri frá sölumönnum dauðans við ungt fólk.

Við eigum að gera  kröfur til borgaryfirvalda í þessu sambandi.  Ég mun berjast af alefli fyrir því innan Sjálfstæðisflokksins að flokkurinn taki enn frekar á í þessu sambandi. Þetta verður gert með beinum aðgerðum að hálfu borgaryfirvalda en þetta verður líka gert með því að gera auknar kröfur til foreldra og forráðamanna ungs fólks í þessu sambandi.  Því verður nefnilega ekki breytt nema menn taka á því.

Í þessum efnum eru menn oftast sinnar gæfu smiðir. Hjáróma röddum sem hafa lagt til að fíkniefni verði lögleidd verða svo leiddar oní pípulögn svo vitnað sé til skáldsins.

Auglýsingar